За време на мисијата на крајниот север на Европа, научниците открија дека базалтот присутен во вулканската карпа околу Исланд може да игра улога во намалувањето на јаглеродниот диоксид (CO2) од атмосферата, објави денеска порталот „Фокус на Белгија“.
Белгија, најновиот научен брод во Белгија, помина две недели околу Исланд. Научниците беа особено заинтересирани за вулканската карпа, многу богата со базалт, која е присутна во областа по течењето на лавата по бројните ерупции на сè уште активни вулкани.
Белгиски научници од неколку универзитети ги испитувале карпите и нивната способност да апсорбираат јаглерод диоксид поради присуството на базалт. Откриле дека тие вулкански карпи во контакт со вода, Северното Море, имаат поголем капацитет да апсорбираат CO2.
Веќе е познато дека морињата и океаните имаат поголем капацитет да апсорбираат јаглерод диоксид од шумите, но сега е откриено дека алкалноста на морињата и океаните во контакт со базалтот доведува до поголема апсорпција на CO2 од атмосферата.
Научниците веруваат дека неколку видови минерали би можеле да играат таква улога, додава белгискиот портал.
Истражувачите планираат партнерства со претставници во рударската и поморската индустрија во Белгија за да го применат откритието.
Ваквите проекти секако ќе придонесат за намалување на емисиите на стакленички гасови, но сепак ќе останат само еден дел од решението на големиот климатски проблем на планетата Земја, додаде Фокус на Белгија.
