Најстудено утрово е на Попова Шапка со -13 степени, во Маврови Анови се измерени -8, Крушево -7, во Крива Паланка и Берово -6, а во Скопје -2 степена. Минусни температури има и во Прилеп, Тетово, Битола, Куманово, Виница, Охрид, Штип, Кавадарци и Велес. Над нулата е само во Гевгелија со еден степен, соопшти УХМР.
Во текот на ноќта времето беше претежно облачно. Дуваше слаб до умерен, а наместа долж Повардарието засилен ветер од северен правец. Изутринава е облачно и студено, наместа дува слаб ветер од северен правец.
Времето денеска ќе биде сончево со мала до умерена облачност. Ќе дува слаб до умерен ветер од северозападен правец. Максималната температура ќе биде во интервал од -1 до 8 степени.
Во Скопје претежно сончево со слаб до умерен ветер од северен правец. Максималната температура ќе достигне 3 степени.
