МВР, на два месеци до крајниот рок за замена – 12 февруари, набави налепници со натписот НМК за регистарски таблички за сите оние кои имаат таблички со старата ознака.
На сајтот за јавни набавки е објавено дека се набавени 4 вида на налепници чии цени се меѓу 25 и 35 денари по комплет. Цената е без ДДВ.
Обврската за промена на кодот на регистрациите произлегува од Преспанскиот договор, а крајниот рок е 12-февруари догодина. По критики од јавноста, МВР го смисли решението за налепници врз постоечките таблички наместо целосно менување на табличките кое што чини минимум 60 евра.
Налепниците ќе се делат во станиците за технички преглед, при регистрација или возачот сам ќе може да ги подигне.
