На 02.02.2023 околу 18.00 часот на улица „Браќа Ѓиновски“ во Гостивар, полициски службеници на СВР Тетово-Одделение за внатрешни работи Гостивар, со судска наредба, го привеле 49-годишниот Ш.А.Г. од гостиварска Долна Бањица. Тој бил баран по потерница за издржување затворска казна од една година и шест месеци. Лицето било спроведено во Казнено-поправната установа Затвор Идризово во Скопје за издржување на казната.
На 02.02.2023 во 19.45 часот, полициски службеници од СВР Куманово го лишиле од слобода Љ.Р.(28) од Куманово. При претрес во неговиот дом, извршен со судска наредба, биле пронајдени и одземени околу 350 грама кокаин и две дигитални ваги. Тој бил приведен во полициска станица и по целосно документирање на случајот против него ќе биде поднесена соодветна пријава.
На 02.02.2023 околу 18.30 часот на паркинг простор пред трговски центар на подрачје на Аеродром, полициски службеници од Одделението за криминалистички работи при ЕВР Аеродром и Драчево ги лишиле од слобода Г.Г.(43) и М.М.(40), двајцата од Скопје. Тие се сомничат дека во периодот од 15.00 до 18.00 часот одзеле три влезни врати од две згради на бул.„АСНОМ“. Во службен разговор во полициска станица тие ги признале делата, а одземените предмети биле пронајдени и вратени. По целосно документирање на случајот, против нив ќе биде поднесена соодветна пријава.
На 02.02.2023 во 11.00 часот, полициски службници од СВР Велес го лишиле од слобода М.З.(31) од Велес. Тој се сомничи дека околу 10.00 часот од продажен објект во Велес одзел повеќе предмети. Лицето било приведено во полициска станица и по целосно документирање на случајот, ќе следи соодветен поднесок.
На 02.02.2023 околу 12.45 часот на улица „Струшка“ во Тетово, полициски службеници на СВР Тетово ги лишиле од слобода К.З.(56) и И.З.(53) од Тетово. Тие се сомничат дека околу 12.15 часот на улица „Маршал Тито“ во Тетово одзеле паричник од 38-годишната Ш.Е. од гостиварско Врањовце. Тие биле задржани во Полициската станица Тетово и по целосно докумнетирање на случајот, ќе биде поднесена соодветна пријава.
На 02.02.2023 во 13.45 часот во СВР Велес било пријавено од зграда на ул.„Вардарска“ биле одземени повеќе предмети. Полициски службеници излегле на местото и набргу, по преземени мерки, бил пронајден сторителот Р.А.(51) од Велес. Кај него биле пронајдени одземените предмети и биле вратени на сопственикот. По документирање на случајот, ќе биде поднесен соодветен поднесок.
На 02.02.2023 во 10.05 часот, полициски службеници од СВР Куманово, врз основа на судска наредба, го лишиле од слобода Е.М.(35) од Куманово. Тој бил баран за издржување на затворска казна и бил спроведен во Казнено-поправна установа Затвор К’шање за издржување на казната.
Денеска (03.02.2023) во 01.00 часот на подрачјето на Центар, полициски службеници од Единицата за интервентна полиција при СВР Скопје го лишиле од слобода С.С.(28) од Скопје, затоа што кај него била пронајдена и одземена бела прашкаста материја. По целосно документирање на случајот ќе биде поднесен соодветен поднесок.
На 02.02.2023 во 19.40 часот на подрачјето на Драчево, полициски службеници од Единицата за недозволена трговија при СВР Скопје го лишиле од слобода Н.А.(30) од с.Студеничани, скопско, затоа што кај него била пронајдена и одземена марихуана. По целосно документирање на случајот ќе биде поднесен соодветен поднесок.
На 02.02.2023 во 16.00 часот на Граничен премин Деве Баир, полициски службеници го лишиле од слобода Х.Е.(28) од Република Албанија, затоа што при пасошка контрола се однесувал агресивно и попречувал полициски службеник во вршење на службени дејствија. За настанот бил известен Јавен обвинител, а по целосно документирање на случајот ќе биде поднесен соодветен поднесок. Лицето било предадено на полициски службеници од Полициска станица Крива Паланка за понатамошна постапка.
На 02.02.2023 во 16.00 часот на Граничен премин Аеродром „Св.Апостол Павле“ бил приведен М.К.(28) од Република Турција, затоа што при пасошка контрола на увид приложил патна исправа за која постои сомнение дека е фалсификувана. Тој бил задржан во СВР Охрид и за настанот бил известен бил Јавен обвинител.
Секторот за внатрешни работи Скопје во текот на вчерашниот ден (02.02.2023) продолжи со контролите во областа на сообраќајот. На територија на град Скопје изречени се вкупно 156 мерки, меѓу кои за возење повеќе од дозволената брзина седум санкции, 12 мерки за возење без возачка дозвола, 15 санкции за минување на затворен сигнал (црвено светло). Изречени се четири мерки за технички неисправни и нерегистрирани возила, седум санкции за вградени неатестирани фолии (затемнети стакла)…
Во текот на вчерашниот ден (02.02.2023) во периодот од 06.00 до 16.00 часот на територијата на Република Северна Македонија спроведена е акциска контрола на возила што вршат јавен превоз на ученици. При контролата констатирани се 41 сообраќаен прекршок. Сообраќајните контроли за зголемување на безбедноста на учениците од дома до училиште и од училиште кон дома продолжуваат и во наредните денови.
На 02.02.2023 на подрачјето на СВР Штип полициски службеници спроведоа акциска контрола на возачи кои управуваат возила со брзина поголема од пропишаната. За време на контролата биле констатирани 39 прекршоци, од кои 24 во населено место и 15 надвор од населено место. На сите возачи им биле изречени соодветни санкции. Санкционирани биле и 22 други видови на прекршоци, од кои 2 за технички неисправно возило, 5 за нерегистрирано возило, 7 за управување возило без возачка дозвола, 2 за возач почетник, 1 за управување возило под дејство на алкохол, 2 за некористење сигурносен појас, 1 за некористење заштитна кацига и 2 за непрописно паркирање.
На 02.02.2023 во 13.40 часот во СВР Скопје било пријавено дека на ул.„Марко Орешковиќ“ во Скопје, товарно моторно возило „пежо“ со велешки регистарски ознаки, управувано од С.Н.(40) од с.Богомила, велешко, удрило во пешакот Б.М.(92) од Скопје. Во несреќата со тешки телесни повреди се здобила Б.М., по што била пренесена во Градската општа болница „Св.Наум Охридски“, каде им подлегнала на повредите. Извршен бил увид од Јавен обвинител и увидна екипа од СВР Скопје.
На 02.02.2023 во 14.40 часот во СВР Скопје било пријавено дека на локалниот пат с.Кадино кон с.Бунарџик, општина Илинден, се случила сообраќајна несреќа помеѓу патничко моторно возило „опел астра“, управувано од М.Ј.(42) од с.Марино, општина Илинден и патничко моторно возило „фолксваген голф“,управувано од С.М.(65) од Скопје, двете со скопски регистарски ознаки. Во несреќата со тешки телесни повреди се здобил возачот М.Ј., а со телесни повреди се здобил малолетен сопатник од истото возило, констатирани во Комплексот клиники „Мајка Тереза“. Извршен бил увид од увидна екипа од СВР Скопје.
На 02.02.2023 во 07.50 часот во СВР Куманово било пријавено дека на паркинг простор од автобуска станица на ул.„Доне Божинов“ во Куманово, патничко моторно возило „рено“ со кумановски регистарски ознаки, управувано од Б.В.(72) од Старо Нагоричане, удрило во пешакот Г.Ј.(35) од Куманово. Во несреќата со тешки телесни повреди се здобил пешакот, констатирани во Општата болница во Куманово. Извршен бил увид од увидна екипа од СВР Куманово.
На 02.02.2023 во 11.20 часот во Полициската станица Виница било пријавено дека на место викано ,,Средни рид“, атар на с.Истибања, виничко, В.В.(54) од с.Истибања бил каснат од куче домашен миленик.
На 02.02.2023 во 14.20 часот во СВР Тетово, Б.С.(40) од Тетово пријавил дека на улица „Браќа Симовски“ во Тетово неговата малолетна ќерка била касната од куче скитник.
На 02.02.2023 во 12.20 часот во СВР Куманово, Н.Р.(20) пријавил дека на улица „11 Октомври“ бил каснат од куче скитник.
