Земјоделците кои деветти ден протестираат во Нови Сад околу пладне со трактори го блокираа мостот Темерински. Блокади се поставени на повеќе локации во Србија, додека се чека исходот од разговорите меѓу претставниците на земјоделците и премиерката Ана Брнабиќ во Белград.
Блокадата на Темерински мост беше најавена за 10 часот, но наместо тоа, тие неполн час возеа полека во кругови во кружниот тек кај Рафинеријата. Блокадата на мостот треба да трае до 15 часот.
Земјоделците кои го блокираа главниот пат Ковин-Панчево во Баваниште велат дека нема да има олеснување на блокадата до крајот на преговорите со премиерката Ана Брнабиќ.
Фармерот Јован Јованов за N1 изјави дека се надеваат дека ќе има напредок во преговорите. Тој посочи дека некои работи може да се решат само со дијалог.
Клучните барања на земјоделците се укинување на акцизата, регулирање на берзата и пазарот на жито и субвенции за 2024 година.
Блокади за денеска се најавени на патниот правец Панчево – Ковин кај Баваниште, мостот Влајковац на патот Белград – Вршац, блокади на патот Нови Сад – Бачка Паланка на делот меѓу Гложан и Челарево, на патот Бачки Петровац – Силбаш, на патот Кикинда – Зрењанин кај Арадац, на патот Зрењанин – Нови Сад, Банатски Брестовац (патот Ковин – Панчево), Чента, Стара Пазова (крај автопат), Бач (патот за Бачка Паланка), граничен премин Српска Црна, Нови Женик – Чантавир, Банатско Ново Село, Товаришево, Сомбор (Бездански пут), крак Суботица Y, Панчево – Зрењанин кај раскрсницата Идвор – Сакуле и други места.
Претставници на земјоделците денеска одат во Белград на средба со премиерката Ана Брнабиќ. Нагласуваат дека планот не е да се носат никакви одлуки, туку да се види како би се одвивал понатамошниот тек на преговорите.
