Дмитриј Медведев, близок соработник на рускиот претседател Владимир Путин, зборуваше на „Телеграм“ за вчерашното уривање на рускиот транспортен воен авион Иљушин-76 над Белгород. Додека Москва и Киев си ја префрлаат одговорноста за смртта на 65 украински воени заробеници во авионот Медведев напиша:
„Приказната за уништувањето на авионот ‘ИЛ-76’ е резултат на внатрешната политичка борба на неонацистичката елита во Киев“.
Тој додаде дека руските пилоти што загинале биле херои и дека украинските семејства „биле оставени без добиените затвореници од Русија“.
„Само ќе се влоши: за да ја задржат власта, тие ќе ги убиваат своите воени лица и воени заробеници без никаков проблем. Тие безмилосно ќе ги бомбардираат своите градови и села уништувајќи ги нивните домови и палејќи ги старите луѓе и децата“, вели Медведев кој беше поранешен руски претседател, а сега на чело на рускиот Совет за национална безбедност.
Според Медведев „на крајот на краиштата, главната работа во играта се моќта и парите“.
