Акните на лицето можат да бидат многу непријатни и болни, а нивната причина е главно непозната. Сепак, постои една теорија која тврди дека местото каде што се појавуваат акните може да ја открие нивната причина.
Имено, теоријата наречена „мапирање на лице“ доаѓа од древната кинеска медицина, која тврди дека слабоста или токсичноста на одреден орган или жлезда во телото може да резултира со појава на акни на одредени делови од телото.
Акни на челото
Акните кои се појавуваат на челото може да укажуваат на проблеми поврзани со дигестивниот систем, а во овој случај се работи за потешко разградување на одредени намирници или проблеми со црниот дроб.
Може да укаже и на недостаток на квалитетен сон или зголемен стрес.
Акни на образите
Образите се најчестото место каде што се појавуваат акни. Тоа е затоа што е предизвикано од загадениот воздух, карактеристичен за градовите.
Но, се почесто можеме да најдеме лош квалитет на воздухот и во нашите домови.
Покрај тоа, алергиите кои влијаат на респираторниот тракт и поголемата потрошувачка на шеќер може да предизвикаат појава на акни на образите. Се препорачува секојдневно да го миете лицето и да го намалите внесот на слатки и редовно да ги менувате навлаките за перници.
Акни помеѓу веѓите
Ако се појават акни меѓу веѓите, тоа може да биде знак дека сте претерале со мрсна храна или алкохол. Најдобар начин да ги избегнете е да го намалите алкохолот и храната богата со нездрави масти.
Акни на брадата и вратот
Акните на брадата и вратот кај жените најчесто ќе се појават за време на менструалниот циклус. Тоа е затоа што постои нерамнотежа на хормоните во телото.
Најдобар начин за регулирање на појавата на акни во овој период е да се грижите за исхраната за да не дојде до претерана нерамнотежа на хормоните, пренесува klix.ba.
Lokacijata na aknite na liceto može da otkrie što gi predizvikalo
