Три лица се тешко повредени во тепачката во Бјелина, јавија бањалучките медиуми. Според информациите, две лица биле избодени со нож, а третиот бил претепан во таа пресметка.
Во 23.30 часот возило на Брза помош при тепачка донело три тешко повредени лица. Веднаш по приемот било констатирано дека двајца од нив се со тешки повреди предизвикани од нож.
Еден пациент имал повреди во пределот на стомакот, две убодни рани и бил итно опериран, а вториот имал убодни рани во пределот на стомакот и градниот кош. На него и била извршена итна операција, додека третиот пациент имал повреди на главата, лицето, коските на лицето и окото, јавува БНТВ.
– Сите тројца пациенти се сместени на одделението за интензивна нега во болницата „Свети Врачеви“ и сите се во животна опасност – изјави Милан Тодоровиќ, раководител на хируршки гранки.
