Српската пејачка Јелена Карлеуша на својот инстаграм-профил објави фотографија која ја згрози јавноста.
Имено, на споменатата фотографија се наоѓа куче кое е врзано, мачено и фрлено во реката. Пејачката ја потресоа тие глетки, па веднаш алармирала на социјалните мрежи, пишува српски „Информер“.
„Мора да пронајдете кој го направил ова! Дали разбирате?! Тој не смее слободно да шета, тој е опасност за заедницата бидејќи станува збор за психопат“, напишала Карлеуша на својот профил.
Да потсетиме, Јелена неодамна ја воодушеви јавноста кога спаси и посвои куче кое беше на работ на смртта. Имено, кога го видела ранетото куче, Карлеуша веднаш го однела на ветеринар, кој со денови се борел за неговиот живот, а откако кучето било излекувано, пејачката го вдомила во својата вила.
