More

    Јакимовски не го потпиша Кодексот за фер и демократски избори

    Претседателскиот кандидат Стевчо Јакимовски, денеска како претставник на коалицијата „Храбро за Македонија“, не го потпиша Кодексот за фер и демократски избори.

    – Јас како претставник на коалицијата „Храбро за Македонија“ не го потпишав Кодексот од две причини. Првата причина е начинот на финансирање на парламентарните избори, огромни суми се одвојуваат само за четири коалиции или четири политички партии, трошки за сите останати. Идејата на државното финансирање на изборната кампања, на изборниот процес е да се поттикне политичкиот плурализам, да се поттикне повеќепартискиот систем. Тоа значи да се поттикне јавување на нови политички партии, да се поттикне јавување на нови идеи, на нови мисли, на нови програми, а не е идејата на државното финансирање на изборите да се финансираат главната политичка партија на власт и главната опозициска партија. И што е најстрашно, со Законот се забранува било какво дополнително финансирање. Тоа значи дека ако некоја нова, свежа идеја има поддржувачи и има спонзори кои ќе ја поддржат во оваа кампања, тие не можат со тие средства од спонзори да финансираат кампања, односно медиумска кампања што е крајно недемократски, антипартиски, антиплуралистички и што е спротивно на интересите на граѓаните на Република Македонија – изјави Јакимовски.

    Втората причина поради која не го потпишал Кодексот е тоа што носители на листи учествуваат во претседателската кампања.

    – И сега, можете да замислите, учествуваат во претседателската кампања и не дека имаат некое големо влијание врз гласачкото тело, зборуваат пред партиски членови кои мораат да ги слушаат. Но праќаат лоша порака, не се почитува Изборниот закон и праќаат лоша порака како ќе ја водат Република Македонија кога ќе дојдат на власт. Тоа значи повторно ќе биде беззаконие, повторно Република Македонија нема да биде правна држава и повторно ќе збориме сите во името на правото и на правдата, а уште во изборниот процес сме подготвени да го кршиме изборниот закон и сѐ она што значи добро однесување на овие парламентарни избори – истакна Јакимовски.

    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img
    spot_img