Израелската армија упадна во вторникот во болницата Камал Адван во северниот дел на Појасот Газа, откако ја опколија неколку дена, изјави претставник на Министерството за здравство, пренесува Anadolu.
Според Ашраф ал-Кудра, портпарол на министерството со седиште во Газа, израелската армија собира палестинци, вклучително и медицински персонал, на плоштадот на болницата.
Тој изрази страв дека Палестинците ќе бидат уапсени или егзекутирани.
„Ги повикуваме ОН, Светската здравствена организација и Црвениот крст веднаш да дејствуваат за да ги спасат луѓето во болницата и да ја заштитат“, додаде Ал Кудра.
Министерството за здравство во Газа во понеделникот објави дека израелската армија ја опколила болницата Камал Адван.
„Загрозени се животите на пациентите во болницата“, предупредуваат од Министерството.
Израел ја продолжи својата воена офанзива врз Појасот Газа на 1 декември по завршувањето на еднонеделното хуманитарно примирје постигнато со палестинската група Хамас.
Според здравствените власти во Газа, 18.205 Палестинци се убиени, а повеќе од 49.645 се ранети во немилосрдните воздушни и копнени напади врз енклавата од 7 октомври по прекуграничен напад на Хамас.
Бројот на Израелци убиени во нападите на Хамас е 1.200, според официјалните податоци.
