Српската пејачка Гоца Тржан го откажа учеството на годинешниот фестивал „Песна за Евровизија 22“ на кој ќе се избира српскиот претставник за Евровизија, кој годинава се одржува во Торино, Италија.
Гоца Тржан поради здравствени причини нема да учествува на фестивалот, соопшти РТС. Гоца требаше да ја изведе песната „Фитиљ“.
Нејзиното место ќе го заземат „CHEGI & Brothers Blues Band“ со песната „Girl with Flames in Her Eyes“ и ќе настапат во второто полуфинале, на 4 март, под реден број 6.
„CHEGI & Brothers Blues Band“ добија право да учествуваат во главниот избор за песната што ќе ја претставува Србија на Евровизија како изведувачи кои беа следни на листата според комисијата за избор на Радио-телевизија Србија.
Во согласност со правилникот на конкурсот, Радио-телевизија Србија и авторите на композицијата имаат право да изберат друг изведувач на натпреварувачката композиција во случај на какви било проблеми со изведбата на композицијата или на настапот на изведувачот.
На фестивалот наречен „Евровизија 22“ годинава, 36 натпреварувачи ќе се обидат да дојдат до билет за Торино, каде што се одржува годинашниот „Евровизија“. Двете полуфиналиња ќе се одржат на 3 и 4 март, а финалето е закажано за 5 март. Меѓу нив е и македонската пејачка Тијана Дапчевиќ, која ќе се натпреварува со песната „Љуби, љуби, довека“.
