Денеска ќе биде сончево и топло со променлива облачност и со слаб до умерен ветер претежно од северен правец. Попладне облачноста ќе се зголеми и претежно во западните делови ќе има услови за изолирана појава на краткотраен пороен дожд.
Минималните утрински температури ќе се движат од 10 во Берово до 20 во Гевгелија, а максималните дневни од 25 во Маврово и 35 Целзиусови степени во Гевгелија.
Во Скопје ќе има сончево и топло време со мала до умерена облачност поголема попладне. Ќе дува слаб северен ветер. Температурата ќе се движи од 16 до 35 степени.
В среда во земјава ќе биде сончево со мала до умерена облачност и со слаб ветер од променлив правец. Попладне во планинските подрачја ќе има услови за краткотраен пороен дожд и ретки грмежи.
Минималната температурата ќе се движи од 10 до 21 степени, до максимални 29 до 35 степени.
