Деветгодишната Лама Абу Џамус почнала да снима низ што минува во Газа со телефонот на нејзината мајка и да го објавува на нејзината страница на Инстаграм, која сега има повеќе од 750.000 следбеници.
Откако Израел одговори на терористичките напади на Хамас со офанзива во октомври, Лама и нејзиното семејство беа принудени да го напуштат својот дом во градот Газа поради честите воздушни напади, пренесува Си-Ен-Ен.
Девојчето моментално е во егзил на југот на Појасот Газа.
– Сакав јасно да му покажам на светот дека децата во Газа страдаат. Без храна или вода. Немаме ништо – вели мала новинарка која ги објавува своите извештаи на Инстаграм.
Лама интервјуираше деца ранети во израелските бомбардирања, го презентираше искуството од престојот во училишните засолништа. Таа стана гласот на најранливите во Газа – децата, истакнува Си-Ен-Ен.
– Кога започна војната, знаевме дека има што да каже. Таа го грабна телефон и почна да прави блогови за ситуацијата во Газа, бомбардирањето и раселувањето на луѓето – изјави нејзиниот вујко Ахмад.
Идол на девојчето е нејзиниот татко, кој работи како новинар во мрежата Ал Џезира. Тој за Си-Ен-Ен изјави дека е многу горд на неа.
– Ние страдаме во војната како и другите луѓе во Газа. Нејзината порака до светот е јасна – ве молам, престанете со војната и да се вратиме на нормалниот живот – рече таткото на Лама.
Според податоците на Министерството за здравство во Газа, кои не можат независно да се проверат, од почетокот на израелската офанзива се убиени 26.000 луѓе, од кои две третини се жени и деца.
