Во акцијата „Мозаик 2023“ која беше спроведена под покровителство на Европол, уапсени се 39 осомничени за сексуална злоупотреба на деца и ширење детска порнографија. Меѓу уапсените има и државјани на БиХ.
Под покровителство на Европол беше спроведена голема кампања против сексуалната експлоатација на децата во Западен Балкан, соопшти организацијата. Идентификувани се 39 осомничени злоставувачи на деца, а две од нивните жртви се спасени.
Акцијата „Мозаик 2023“ ја водеше словенечката полиција, а ја координираше Европол. Целта беше да се идентификуваат и уапсат лица кои споделувале и дистрибуирале фотографии од злоупотреба на деца преку интернет форуми и пораки на различни платформи. Земјите од Западен Балкан, Босна и Херцеговина, Северна Македонија, Црна Гора и Србија, како и Словенија, Хрватска и Унгарија извршија серија апсења меѓу 6 и 17 ноември.
Во овие земји беа извршени вкупно 41 рација, а осомничените или беа уапсени или обвинети за дистрибуција на детска порнографија. За време на операцијата, конфискувани се 200 предмети кои содржеле фотографии или видео клипови од детска порнографија и сексуална злоупотреба на деца, вклучувајќи компјутери, мобилни телефони, сервери и мемориски картички.
Потсетуваме дека полициските службеници од Единицата за високотехнолошки криминал при Одделот за криминалистичка полиција на МВР на РС, во соработка со полициските одделенија Приједор, Добој и Градишка, привеле четири лица – Д.Д. од Приједор, З.Т. од Козарска Дубица, Б.Ј. од Модрича и Ж.М. од Теслиќ, за што постојат основи на сомнение дека во претходниот период сториле кривично дело „Експлоатација на деца за порнографија“ по член 175 од Кривичниот законик на РС.
Меѓународна акција „Мозаик 2023“: Уапсени четворица од БиХ поради детска порнографија.
