На денешен ден во 1992 година, пред 30 години, беше формирана Армијата на Република Босна и Херцеговина, а оттогаш 15 април се одбележува како Ден на Армијата на РБиХ.
Армијата беше формирана од единици на Територијалната одбрана на БиХ и организирани доброволци.
Врховен командант беше претседателот на Републиката, а по Дејтонскиот договор, Армијата на Република БиХ заедно со ХВО ја формираа Армијата на Федерацијата БиХ, која требаше да се трансформира во „босански ренџери“, еден од трите полкови во вооружените сили на БиХ.
Армијата на Република Босна и Херцеговина беше официјалната вооружена сила на Република Босна и Херцеговина за време на војната во РБиХ.
Денес, речиси три децении по војната, вооружените сили на БиХ учествуваат во неколку воени мисии ширум светот.
Во 1996 година, по повод одбележувањето на 1 март, Денот на независноста на Република БиХ, Претседателството на Република Босна и Херцеговина и додели на Армијата на РБиХ Орден на слободата.
