Неодамнешното истражување на Sun Health покажа дека поголемиот дел од испитаниците имале секс помалку од еднаш неделно, а оваа бројка укажува на губење на желбата за оваа некогаш популарна активност. Дека е тоа така потврди и британската емисија Сексуална клиника (Секс клиника).
Во 2020/21 година паровите имале секс во просек 1,3 пати неделно или 68 пати годишно, што во 2021/2022 г. падна на 57 пати и просечно 1,1 неделно, а сега на само 47 пати годишно и неделен просек од само 0,9, пишува Daily Star. Тоа се препишува на новото време, на новите генерации… затоа што некогаш бројките не биле толку ниски. На пример, во 2011 година, годишниот просек беше меѓу 65 и 75, речиси двојно.
„Мојата сопруга и јас се венчавме во 2019 година и ќе имавме секс наутро, попладне и навечер, а на прсти можам да избројам колку пати сме имале секс во последните две години. Жал ми е што е така, но јас сум исто толку летаргичен како и таа и двајцата сме цело време исцрпени“, изјави британскиот татко на две деца Алан Воткинс (34) од Вотфорд.
Додека многу парови се грижат за иднината на нивната врска поради недостигот на акција во спалната соба, експертот Џес Вајлд тврди дека нема причина за тоа и дека терминот „премалку секс“ не треба ни да постои. Иако за многумина главното прашање е колку често да имаат секс, таа вели дека секој треба да има секс колку што сака.
„Не постои минимален или максимален број или правило кое одредува колку често е „нормално“ и се додека и двајцата се задоволни со својот сексуален живот, фреквенцијата е идеална“.
Најчести причини за пад на либидото се менструалните циклуси, менопаузата, лековите, стресот, менталното здравје и животните околности воопшто. Исто така, експертите тврдат дека и покрај намалениот број на сексуални односи со партнерот, треба да го слушате своето тело и да се занимавате со нив кога ви треба, а не „со сила“
