Босанката Мирнеса С. позната како Мики од Бусовача, која украде милион и четврт евра од компанијата во Германија кадешто работела, ја изненади јавноста велејќи дека планира да се омажи иако е во затвор. Мирнеса ова им го кажала на новинарите на РТЛ кои ја прашале која е нејзината новогодишна желба, пренесува Мондо.
– Вљубена сум, свршена и ја чекам свадбата. Би сакала што поскоро да добијам дозвола за брак – изјавила Мирнеса С.
Вереникот на Мирнеса лежи во затвор за грабеж и ќе остане таму најмалку до ноември 2026 година. Таа го запознала по скајп, а во живо допрва треба да се видат.
– Верени сме и веќе го поднесовме барањето за брак, но ќе биде потребно вечно да се пополнат сите дозволи – вели Мирнеса.
На прашањето зошто толку брзале кога и двајцата се во затвор, Мирнеса вели дека тоа им била единствената шанса да се запознаат.
– Толку сме слични, неверојатно, од она што го пишуваш можеш да видиш дека неверојатно се согласуваме. Едноставно подобро ги запознавате луѓето преку кореспонденција. Ова е толку интензивно. Секогаш сакав некој кој сака и деца. Некој кој едноставно ја чита секоја женска желба, кој кон жената се однесува како кон дама. Требаше да завршам во затвор за да го сретнам човекот од соништата – заклучува Мирнеса.
Мирнеса откри дека е во контакт и со мајката на нејзиниот вереник. Таа рече дека не бара љубов во затвор или само партнер криминалец, туку дека се заљубила.
– И јас бев или станав криминалец, но тоа не ме прави полоша личност. Човек не треба веднаш да биде осуден само затоа што извршил едно или повеќе злосторства. Човекот може да се промени. Стареете, размислувате поинаку – објаснува Мирнеса.
Истото е и со нејзиниот вереник. Тој исто така сака да започне нов живот, вели таа.
– Само нормален живот со мала куќа на село. Оставајќи го минатото зад себе. А планираме и семејство – открива таа.
Мајката на Мирнеса живее во Германија, а има брат близнак и сестра. Вели дека од љубов ги украла парите од компанијата во Штутгарт каде работела. Кражбата беше откриена уште истиот ден, а наградата за Мирнеса, која тогаш се вдаде во бегство, изнесуваше 37.500 евра. Медиумите во регионот и во Германија неколку месеци пишуваа за неа, нарекувајќи ја „фаталната блондинка“.
Многумина граѓани од Штутгарт во тоа време ја исмеваа полицијата поради неможноста да ја фати Мирнеса. Таа беше уапсена на аеродромот во Штутгарт на крајот на јануари годинава, кога преку својот адвокат објави дека ќе се предаде. Брзо била осудена на три години затвор, а парите што ги украла уште не се пронајдени
Taa тогаш раскажа и дека за кражбата ја убедил 28-годишниот Роберт С. во кој била вљубена и кој исчезнал со парите. Таа го запознала само две недели пред да го изврши спектакуларниот грабеж.
