Гневните француски земјоделци се закануваат дека ќе извршат опсада на Париз. Веќе втор ден ги блокираат стратешките патишта околу Париз. Вчера почнаа да ги блокираат осумте автопати кои го поврзуваат Париз со остатокот од Франција. Од минатата недела ги блокираат патиштата во делови од Франција.
Бараат поголеми откупни цени, помал увоз на земјоделски производи, помал данок и поевтино гориво. Протестираат и против договорот за слободна трговија меѓу ЕУ и извозниците на храна, особено поради договорот со јужноамериканскиот блок Меркосур, кој сѐ уште е во фаза на изработка, а за кој тврдат дека исто така ќе придонесе за нелојална конкуренција на пазарот.
