Државната комисија за спречување на корупција (ДКСК) ќе го проверува случајот со јавното претпријатие Водовод од Струга.
Општина Струга пред две години го продала земјиштето и објектот во кое било сместено комуналното претпријатие и оттогаш струшки водовод за кирија месечно плаќа сума од над 3000 евра.
Според комисијата, и кириите и продажбата на парцелата, но и судбината на музејот кој се наоѓа во близина, се предмет на истрага.
Директорот на водовод Дашмир Насуфи смета дека киријата и не е толку голема со оглед на бројот на вработени. На седницата на општината неодмана тој се бранеше дека ја наследил кријата од неговиот претходник и дека правел напори тоа да се смени. Но за градските советници остана тајна каде завршуваат парите од кириите, кој е сопственик на објектот каде освен Водовод е сместено и јавното претпријатие за паркинзи ЕКО Струга кое исто така плака висока закупнина.
Нејасна е и судбината на струшкиот природно научниот музеј кој исто така се наоѓа на атрактивно земјиште. Според некои информации најверојатно ќе биде дислоциран а на негово место изграден профитабилен проект.
