Денеска израелските сили ги „прошируваат“ своите операции против Хамас на северот на Појасот Газа, пренесе агенцијата Франс прес.
Борби се водеа вчера во центарот на градот Газа. Израелскиот тенковски оган одговори на ракетните фрлачи на палестинските борци, а воздушните напади се интензивираа во вечерните часови.
Според Министерството за здравство на Хамас, 41 член на едно семејство загинале во израелски напад во Џабалија.
Палестинската новинска агенција Вафа објави напад во текот на ноќта врз индонезиска болница, северно од градот Газа.
Израелската војска соопшти дека продолжува да ги „проширува своите операции во нови области на Појасот Газа“, особено во секторот Џабалија.
Во соопштението на армијата се наведува дека загинале пет израелски војници, со што бројот на загинатите во Газа се искачи на 64 од почетокот на војната.
