„Одговорност мора да има од едноставна причина што во изминатите 5 години при издавањето на лични документи со стариот формат надлежниот орган на управата не превземал ниту едно дејствие со цел навремено известување на граѓанинот дека рокот на важност на стариот формат истекува на 12.02.2024 година“.
Ова го тврди адвокатот Владимир Туфегџиќ, во пост на Фејсбук.
„Тоа бил во обврска да го направи со запишување на рокот на важност до 12.02.2024 година во самиот документ или при издавањето на документот истовремено да му достави писмено укажување за крајниот рок на важност.
Доколку се постапело на овој начин, денеска состојбата на работите ќе беше поинаква, а ќе се сметало дека странката е навремено известена.
Во секој случај, штетата е направена и одговорноста е на менаџерскиот тим во МВР и затоа на потег е ОЈО за ГОКК во чија надлежност е постапувањето на полициските службеници“, вели Туфегџиќ.
