Папата Франциско ги повика граѓаните на Конго да им простат на оние кои им згрешиле, обраќајќи им се на масата од околу еден милион луѓе во главниот град на Демократска Република Конго, Киншаса.
Многу верници од Конго ја поминаа ноќта пред мисата на аеродромот Ндоло чекајќи го пристигнувањето на папата со песна и оро.
Ова е прва посета на папата на Република Конго по посетата на Јован Павле Втори во 1985 година.
Толпата гласно го поздрави папата кога тој со отворен „попамобил“ ја започна својата обиколка на аеродромот.
Тие повторно покажаа гласно одобрување кога папата ги поздрави на Лингала, еден од националните јазици на Конго што широко се зборува во главниот град Киншаса. И тие внимателно слушаа кога ги повика да ги отворат нивните срца за простување, наведувајќи го примерот на Исус кој им простил на оние што го предале.
