Руската воздушна одбрана собори украински беспилотно летало во близина на воздухопловна база на југот на Русија, а остатоците од леталото убиле три лица на земја, јави утрово агенцијата ТАСС, повикувајќи се на Министерството за одбрана.
„Украински дрон беше соборен на мала височина додека се приближуваше кон воениот аеродром во регионот Саратов на 26 декември околу 1:35 часот по московско време (22:35 часот по средноевропско време), се вели во извештајот.
Тројца руски техничари на аеродромот биле смртно повредени при пад на делови од погодениот дрон, се вели во извештајот.
