Ќе биде фатално ако по толку напорна работа Македонија не го смени Уставот и се врати назад во изолација, порача албанскиот премиер Еди Рама по неколкучасовната седница на владите на Македонија и Албанија во Скопје. Рама не одговори јасно дали во случај на неуспех на уставните измени Албанија ќе се раздвои од Македонија во интегративниот пат. Сепак порача дека секој има право да трча низ времето, пренесува Република.– Судбината беше да се здружат Македонија и Албанија во болка во долг период. За вас беше многу потешко, но и за нас не беше лесен патот. Измените во случајов за вашата земја мислам дека само слабоста, кратковидоста може да ја вратат за да имаме недоразбирање и да се создадат повторно проблеми – истакна Рама.
