Шпанскиот тенисер Карлос Алкараз смета дека неговата генерација не може да ги повтори успесите на „големата тројка“.
19-годишниот четврти играч во светот верува дека неговите врсници (нешто повозрасни) имаат квалитет, но нереално е да се очекува да се истакнат шампионите како Новак Ѓоковиќ, Роџер Федерер и Рафаел Надал.
„Не, мислам дека тоа не е можно. Тоа не е недостаток на доверба во моите способности или во способностите на другите играчи, но мислам дека јас или другите млади играчи не можеме да го повториме тоа што го направија. Зборуваме за невозможна кампања“, сигурен е Алкараз.
Младиот Шпанец неодамна беше поразен од Јаник Синер во финалето на турнирот во Умаг, а оваа недела ќе го гледаме на Мастерсот во Монтреал.
„Во Њујорк сакам да го направам она што не успеав на другите Грен слем турнири – да одам во четвртфиналето“, изјави Алкараз, кој не сака да шпекулира каде би можел да ја освои првата титула на најпрестижните турнири на сезона.
Ѓоковиќ, Надал и Федерер заедно освоија 63 грен слем титули.
