Соединетите Држави и нивните сојузници ќе одговорат обединето и одлучно на „неиспровоцираниот и неоправдан напад на руските воени сили“ врз Украина, изјави американскиот претседател Џо Бајден откако се слушнаа експлозии во главниот град на Украина, Киев.
-„Претседателот Путин избра војна со предумисла која ќе донесе катастрофални загуби на животи и човечки страдања“, рече Бајден во изјавата објавена доцна во средата.
-„Само Русија е одговорна за смртта и уништувањето што ќе ги донесе овој напад. Светот ќе ја смета Русија одговорна“.
Бајден во четвртокот рече дека ќе објави дополнителни мерки што САД и нивните сојузници ќе ги наметнат на Русија.
Тој додаде дека ќе ја следи ситуацијата од Белата куќа пред да се сретне со своите колеги од Г7, група од седум напредни економии, рано во четврток.
Потоа, рече тој, „ќе разговара со американскиот народ“ за да ги објави последиците што САД, сојузниците и партнерите ќе ги наметнат на Русија за овој „непотребен чин на агресија против Украина и глобалниот мир и безбедност“.
Бајден рече дека Вашингтон, исто така, ќе се координира со сојузниците во НАТО „за да обезбеди силен, обединет одговор што ќе одвраќа каква било агресија против алијансата“.
