Американскиот претседател Џозеф Бајден и неговиот колега Владимир Путин начелно се договорија да одржат самит за украинската криза, соопштија денеска од кабинетот на францускиот претседател Емануел Макрон.
„Подготовките (за самитот) ќе ги направат американскиот државен секретар Ентони Блинкен и рускиот министер за надворешни работи Сергеј Лавров“, соопшти Елисејската палата, истакнувајќи дека самитот може да се одржи „само доколку Русија не ја нападне Украина“, пренесува Ројтерс.
