Утрово до 8:30 часот издадени биле 1.150 кутии „дијазепам“, а оваа бројка до 11 часот се зголемила на 6.200 кутии, додека, пак, до 14 часот бројката скокнала на 11.000, сподели на својот Фејсбук профил матичниот лекар Ненад Лазаров, кој, уште претходниот ден претпостави дека ќе се зголеми продажбата на овој лек поради зголемувањето на цените на основните производи.
„Соберете си ги ботовите од штаб, со мене со притисок не успевате, сме се докажале до сега веројатно, презентирам јавно достапни податоци“, напиша д-р Лазаров.
Тој пред неколку месеци објави податок дека во 2020 година биле препишани 1.310.000 рецепти „дијазепам“, 300.000 повеќе од 2015 година.
„Нема куќа без дијазепам“, посочи докторот во неговиот статус.
Под објавите граѓаните коментираат дека сме станале најдепресивна нација.
