Mногумина го прославија вчерашниот празник – некои го славеа празникот на виното Свети Трифун, други „Денот на вљубените“ т. е. Свети Валентин, а некои и двата празника во еден.
Славните личности покажаа што сѐ добиле за „Денот на вљубените“, а меѓу нив, како и обично, со својот подарок се издвојува српската пејачка Јелена Карлеуша.
Карлеуша на својот профил на Инстаграм сподели интересни фотографии и видеа на кои се гледа дека е опкружена со „море“ од црвени рози.
Поточно, како што напишала, добила 3.333 рози, а позираше со насмевка.
Не е познато кој ѝ ги испратил розите на пејачката за „Денот на вљубените“, но очигледно е дека убавиот подарок многу ѝ годи.
Имајќи предвид дека Јелена и нејзиниот сопруг, фудбалерот Душко Тошиќ, имаа вистинска семејна драма за божиќните празници, па оттогаш не престануваат зборувањата дека се разведуваат, сега сите се прашуваат дали овој величествен подарок ѝ го испратил Душко на Јелена.
ФОТО: Инстаграм
