Русија објави дека пресретнала и соборила 113 украински беспилотни летала синоќа во регионите Белгород, Курск, Воронеж и Брјанск кои граничат со Украина.
Руската воздушна одбрана собори 73 беспилотни летала во регионот на Белгород, 25 во Воронеж, 14 во Курск и еден во Брјанск, соопшти руското Министерство за одбрана преку Телеграма.
Една жена е ранета во градот Стари Оскол во Белгородската област каде што беше соборен еден од тие беспилотни летала, изјави преку Телеграм гувернерот на тој регион Вјачеслав Гладков.
Според Гладков, четворица руски цивили загинале, а 24 се ранети во украинските напади во последните 24 часа во регионот на Белгород.
Русија речиси секојдневно објавува дека уништила украински беспилотни летала лансирани на нејзина територија.
Киев вели дека ги изведува нападите како одговор на руското бомбардирање на Украина, кое трае повеќе од две години.
