Пејачката и актерка Џенифер Лопез вчера им додели признание на своите деца, близнаците Ема и Макс. Таа ги објави нивните фотографии на својот профил на Инстаграм.
Пред очите на своите 250 милиони следбеници латино дивата си ја отвори душата.
„Целото мое срце“, напишала 55-годишната ѕвезда под фотографиите на 16-годишните близнаци.
Во низата фотографии, се наоѓа и фотографијата на која Ема и Макс се прегрнуваат кога биле мали.
Фотографиите за помалку од еден ден собраа повеќе од 1.200.000 лајкови, а следбениците напишаа дека Лопез е најдобрата мајка на светот.
Сè се случува во периодот додека целиот свет чека јасна информација дали Лопез и Бен Афлек се разведуваат.
Најверојатно Лопез со овој потег покажа кој ѝ дава најголема поддршка во текот на бурниот период.
Бен Афлек има три деца со поранешната сопруга, актерката Џенифер Гарнер.
