Првите приходи од управувањето со замрзнатите руски средства во износ од 1,5 милијарди евра се достапни за финансирање воена помош за Украина и нејзина обнова, објави денеска претседателката на Европската комисија, Урсула фон дер Лајен.
„ЕУ стои на страната на Украина. Денеска префрламе 1,5 милијарди евра приходи од замрзнати руски средства за одбрана и обнова на Украина. Нема подобар симбол од користењето на парите на Кремљ, како овој, за да и се овозможи на Украина и на цела Европа да живеат побезбедно“, рече претседателката на Европската комисија, Урсула фон дер Лајен.
Како што во меѓувреме објасни високиот надворешнополитички претставник на Унијата, Жозеп Борел, средствата првенствено ќе бидат наменети за набавка на итно потребна воена опрема, особено системи за противвоздушна одбрана и артилериски ракети. Тој е убеден дека унијата на тој начин ќе придонесе за издржливоста на Украина во борбата против руската агресија, објави Европската комисија.
Од почетокот на руската инвазија на Украина со ЕУ, членките на групата Г7 и Австралија замрзнаа околу 260 милијарди евра од средствата на руската централна банка како дел од санкциите против Москва, од кои приближно 210 милијарди се во ЕУ.
Министрите на земјите-членки на ЕУ, одговорни за европските прашања, потоа во мај ја усвоија законската основа, која овозможува користење на приходите од управувањето со замрзнатите руски средства за воена и друга помош за Украина.
Друштвата за клириншки депозитар управуваат со овие средства, а со тоа генерираат приход. Оние кои имаат повеќе од еден милион евра руски имот на своите сметки мора да управуваат и да ги евидентираат своите приходи посебно. Моментално е само белгиската компанија Еуроклиар, која споменатите први средства од управувањето со руските средства ги стави на располагање на Европската комисија во вторникот.
Портпаролот на Кремљ Дмитриј Песков го предвиде одговорот на Русија за трансферот на средства од замрзнатите средства, пренесува германската новинска агенција ДПА. „Нема да има итен одговор, Русија ќе размисли за нејзините следни чекори. Се разбира, ваквите чекори на Европската комисија нема да останат без одговор“, додаде тој.
