Израелската армија ги повикува сите жители на Газа да го напуштат градот, што според набљудувачите е знак за неизбежни нови воени операции, пренесува во средата ДПА.
Во повикот објавен на арапски, портпаролот на израелската армија рече дека луѓето треба да го напуштат градот во северниот дел на Појасот Газа и да се засолнат во градовите Деир Ал-Балах и Ал-Завија во центарот на палестинската енклава.
Тој, исто така, опиша по кои рути може да се движат без да наидат на контролни пунктови.
Градот Газа, предупреди портпаролот, е опасна борбена зона.
Медиумите објавија дека израелската армија утринава поделила летоци во градот и ги повикала луѓето да се евакуираат.
Во последните недели, армијата ги повика жителите на неколку градски области да се иселат. Оттогаш, забележани се повеќе насилни судири во овие области, вклучително и во Шеџаија.
Последниот повик се однесува на целото градско подрачје.
Израелските војници извршија борбени операции во градот Газа на почетокот на војната, во октомври минатата година.
Оттогаш, борците од палестинското милитантно движење Хамас се обидуваат да се прегрупираат, како во градот Газа, така и во другите делови на енклавата. Градот Газа е меѓу областите најтешко погодени од воено уништување.
