Поранешниот министер за одбрана на Полска, Мариуш Блашчак изјави дека, како дел од зајакнувањето на полската граница, треба да се постави минско поле на границата со Русија и Белорусија.
Блашчак рече дека пред тоа Полска треба да се повлече од Договорот од Отава, чија цел е да се елиминира употребата на противпешадиски мини како средство за вооружена борба.
Блашчак, кој сега е шеф на пратеничката група на опозициската партија Право и Правда (ПиС), на прес-конференција нагласи дека полската влада нема контрола врз ситуацијата во врска со миграциската криза.
