Европската комисија денеска ќе ги извести производителите на автомобили за својата намера да воведе дополнителни царини до 25% за увезените кинески електрични возила (ЕВ) од следниот месец, објави Фајненшл тајмс, цитирајќи луѓе запознаени со одлуката.
Шведска, Унгарија и Германија не ја одобруваат таа одлука, стравувајќи дека тоа може да доведе до скапа трговска војна со Пекинг.
Сепак, лобирањето од страна на владата на германскиот канцелар Олаф Шолц не даде резултати, изјави за ФТ лице запознаено со ова прашање, кое исто така рече дека од комисијата се очекува да ги зголеми тарифите на околу 35%.
фото: pixabay.com
