Делегациите на Белград и Приштина ќе одржат нова рунда дијалог во Брисел, под покровителство на Европската унија, на тема забрана за употреба на динари на Косово.
На петтата средба на истата тема, делегацијата од Белград ќе ја предводи директорот на Канцеларијата за Косово и Метохија, Петар Петковиќ, а приштинската страна треба да ја претставува нејзиниот главен преговарач и вицепремиер на Косово, Бесник Бисљими.
Специјалниот пратеник за дијалог меѓу Србија и Косово, Мирослав Лајчак, на почетокот на неделата на својот Фејсбук профил рече дека очекува „двете страни да дојдат на состанокот со отворени умови, флексибилни и да бидат ориентирани кон изнаоѓање решение, засновано за идеите што беа презентирани на претходните средби“.
