Украинскиот претседател Володимир Зеленски изјави дека размислува за разрешување на врховниот командант на вооружените сили на земјата Валериј Залужни, јавува Асошиетед прес.
Зеленски изјави за италијанската телевизија РАИ дека размислува за смена на Залужни како дел од поширокото прашање за одредување на идниот пат на Украина, што ги загрижи западните сојузници на Киев.
Тој исто така додаде дека „неопходно е ресетирање и нов почеток“ и дека не се работи само за замена на една личност.
„Размислувам за оваа промена, но овде не може да се каже дека сме смениле некој човек. Кога зборуваме за ова, мислам на смена на голем број државни раководители, не само во еден сектор, како што е војската. Ако сакаме да победиме, сите треба да одиме во ист правец, убедени во победа, не можеме да се обесхрабриме, мора да имаме вистинска позитивна енергија“, рече Зеленски.
Според информациите на украинските и западните медиуми, Зеленски му понудил на Залужни да поднесе оставка минатата недела, но генералот одбил.
Залузни не го коментираше тоа прашање, пишува Асошиетед прес.
