Американската амбасада излезе со соопштение по повод одбележувањето на 9 јануари, Денот на РС, кој Уставниот суд го прогласи за неуставен.
„Уставниот суд на Босна и Херцеговина во неколку свои пресуди јасно посочи дека одбележувањето на Денот на Република Српска на 9 јануари е противуставно.
Проблемот не лежи во празнувањето на празникот, туку во одлуката тој да се прослави на деветти јануари. Поврзувањето на таа прослава со православен верски празник е во спротивност со неколку одредби од Уставот на Босна и Херцеговина, кои забрануваат дискриминација.
Ова е прашање на закон, а не нечие мислење. Членот III (3) од Дејтонскиот устав предвидува дека субјектите мора целосно да ги почитуваат одлуките на институциите на БиХ, вклучително и конечните и обврзувачки пресуди на Уставниот суд на БиХ.
Според Кривичниот законик на Босна и Херцеговина, непочитувањето на пресудите на Уставниот суд на Босна и Херцеговина претставува кривично дело. И ова е правна работа, а не нечие мислење. Соединетите Држави очекуваат релевантните органи за спроведување на законот и правосудните институции да истражат какви било прекршувања на законот поврзани со прославата на Денот на Република Српска на 9 јануари. Соединетите Држави реагираа на анти-Дејтонските акции и претходно и нема да се двоумат да го сторат тоа во иднина“. се наведува во соопштението на американската амбасада.
