Синоќа во големата сала на Општина Охрид, се одржа промоција на документарниот филм „Охрид, Охрид убав мил“ на охридскиот режисер Илија Пиперкоски. Филмот го прикажува настанувањето на познатата охридска староградска песна “Охрид, Охрид убав мил“, авторско дело на последниот голем охридски трубадор Сотир Димитровски – Зингал.
Според зборовите на авторот, овој документарец е прв во серијалот кој ќе биде снимен, со работен наслов „Раскажи песно“, а ќе обработува чалгиски староградски песни и нивното значање за македонската музичка култура.
