Додека репрезентацијата на Македонија вечерва ги одмерува силите со Англија на арената „Тодор Проески“ во Скопје, дел од министрите во македонската Влада се наоѓаат во Тирана каде што ѝ даваат поддршка на Албанија во дуелот против Фарските острови.
Првиот потпретседател на Владата, Артан Груби, придружуван од министерот за правда, Кренар Лога и министерот за економија, Крешник Бектеши, преку заедничка фотографија од стадионот „Ер Албанија“ соопштија дека се во Тирана за да го прослават пласманот на албанската репрезентација на Европското првенство.
И други политичари од Македонија се во Тирана на натпреварот на албанската фудбалска репрезентација.
На стадионот во Тирана се и Изет Меџити, Африм Гаши, Билал Касами и Висар Ганиу.
Ваквиот потег на министри во било која друга држава би бил оценет како скандалозен и би бил осуден во јавноста. Особено што во составот на Македонија играат солиден број фудбалери од албанска националност како Мислиу, Барди, Алими и Алиоски.
