Студијата објавена во Journal of Sex Research покажува дека и мажите и жените имаат слични стандарди кога влегуваат во романтични врски. Значи, сите се претпазливи да стапат во врска со невина личност, но не сакаат врска со промискуитетни луѓе, односно оние кои имале ‘премногу’ партнери.
Истражувањето покажало и дека луѓето ги сметаат повеќекратните сексуални партнери како поголем потенцијал за пренос на сексуално преносливи болести или мислат дека таа личност има навика за изневерување, пишува Independent.
Во истражувањето учествувале 188 испитаници, од кои 104 биле жени, а било откриено дека мажите се помалку строги за бројот на партнери на жената доколку бараат површна романса.
Од друга страна, жените се крајно отфрлени кога мажот има повеќе од шест партнерки, а мажите се отфрлени кога жената има повеќе од 11 партнери. За двата пола, идеалниот број на партнери пред себе не е повеќе од три, пренесува Vijesti.
„Спротивно на идејата дека машкиот промискуитет е подобро прифатен од женскиот промискуитет, сите учесници изразија дека не сакаат да бидат со некој кој има премногу сексуални партнери“, вели психологот Стив Стјуарт-Вилијамс.
Извештајот покажува дека мажите почесто од жените се со некој кој е девица или има минимален број сексуални партнери. Испитаниците покажале дека и мажите и жените претпочитаат две долги врски или три кратки пред нив.
Иронично, оние кои учествуваа во студијата не ги исполнија сопствените стандарди. Просечниот број на нивните поранешни партнери бил 5,8 кај жените и 8,4 кај мажите.
