Илон Маск, сопственикот на социјалната мрежа Х, порано Твитер, размислува да ја откаже услугата во Европа, како одговор на новите регулативи за оваа платформа наметнати од Европската унија, објавија странските медиуми.
Милијардерот наводно размислува да ја прекине достапноста или да го блокира пристапот до корисниците во Европската унија, изјави извор за порталот Инсајдер, пренесува Ројтерс.
Во август оваа година, Европската унија го усвои Законот за дигитални услуги (DSA), кој, меѓу другото, поставува правила за спречување на ширење на штетна содржина, забрана или ограничување на одредени практики за таргетирање на корисници и споделување на некои внатрешни податоци со регулаторите и поврзани истражувачи.
X не одговори на барањето на Ројтерс за коментар.
