Српските цариници спречија шверц на седум вредни икони на граничниот премин Градина со Бугарија, соопшти Царинската управа.
Иконите се пронајдени во багажникот на возилото, меѓу багажот на двајца патници кои патувале од Грција кон Германија, се додава во соопштението.
Царина наведува дека експертите потврдиле дека иконите за кои станува збор се од голема материјална, историска и уметничка вредност, најверојатно создадени на крајот на 18 и почетокот на 19 век.
Исто така, се додава дека иконите се насликани на дрво со рака на истиот иконописец, со техника на јајца со позлата на основата, а со понатамошна анализа ќе се утврди точната старост, вредност и потекло на запленетите икони.
