Лионел Меси максимално го искористи своето пристигнување во Мајами, и на теренот и надвор од него. Тој блеска на тревата, додека слободното време го користи за да ги прослави спортските успеси со семејството и соиграчите.
Аргентинецот и неговата сопруга Анотнела Рокузо често се придружувани од Дејвид Бекам, сопственикот на клубот, како и неговата сопруга Викторија Бекам.
Како што пишува англиски Дејли Мејл, за време на прослава имало и крвава тепачка во клубот Геко во Мајами.
Обезбедувањето жестоко реагирало на гостин кој се обидел да ги фотографира познатите спортисти во ресторанот. Човекот беше конкретно обвинет дека се обидел да ги фотографира Лионел Меси и неговата сопруга, а обезбедувањето веднаш скокнало врз него.
Претепаниот се здобил со тешки повреди, крварел по лицето, а подоцна објаснил што се случило.
„Ни скокнаа, ме исфрлија и ме удираа по лицето. „Само зошто мојот пријател се обиде да се фотографира со сопругата, а не со Бекам или Меси, тоа беше семејна работа“, рекол претепаниот маж.
