Рускиот претседател Владимир Путин изјави дека јавните институции во неговата земја треба да престанат да купуваат странски возила.
„Реков дека тоа дефинитивно треба да се елиминира и дека сите бирократи во земјата треба да користат домашни автомобили“, рече Путин по состанокот со високи раководители на големите компании во Москва, главниот град на Русија.
Тој посочи дека Русија не планира да го запре увозот од странство.
„Секако дека има потреба од увоз. Но, некои основни работи, односно работи кои самите ги консумираме, треба да се купат од локални производители“, рече тој.
Тој нагласи дека поради оваа причина руската влада и дава приоритет на финансиската поддршка за домашните компании.
Тој додаде дека затоа е неопходно да се поддржат компаниите во Русија со директно купување од руски бизнисмени.
Тој истакна дека го одбил барањето за набавка на странски возила од јавните институции во земјава.
„Министерството, агенциите и различните управи побараа да продолжи набавката на странски возила. Реков дека дефинитивно треба да се укине и сите бирократи во земјата да возат домашни автомобили“, рече Путин.
