Луѓето често користат растенија за украсување на своите домови. Но, дали знаевте дека некои растенија можат да го разладат вашиот дом? Се препорачуваат следните три растенија бидејќи се многу лесни за одржување.
Алое вера
Ова растение се издвојува по своите лековити својства. Со векови се користи во медицината и козметиката. Гелот од алое се користи за лекување на изгореници, рани, лузни, акни и егзема. Има антиинфламаторни својства кои помагаат при иритација и црвенило на кожата, па често е состојка во козметиката, пишува 24 час.
Алоето е популарно растение за затворен простор бидејќи е способно да го прочистува воздухот и да ги апсорбира штетните материи, доста е отпорно и лесно за одржување, претпочита суви и сончеви услови и добро поднесува суша во овие летни денови.
Фикус Бенџамин
Доволно е да го полевате еднаш неделно. Ficus benjamin е добар за почетници и за суви летни денови во куќата бидејќи без проблем поднесува високи температури. Листовите на ова растение делуваат како природни регулатори на температурата и создаваат сенка и пријатна атмосфера.
Свекрвин јазик
Свекрвин јазик ја апсорбира и задржува влагата и ги отстранува нечистотиите. Има голем дел од вода и затоа испушта многу ладна влага и голема количина кислород што ќе ви овозможи добро да спиете во пеколните ноќи. Премногу вода може да го уништи ова растение, затоа внимавајте колку често го полевате.
