Холивудскиот актер Џони Деп во мај мораше да ја одложи турнејата со својот бенд „Холивудски вампири“ поради повреда на глуждот, а се чини дека ногата и понатаму не му е заздравена, бидејќи неодамна во Бостон бил снимен како оди со помош на бастун.
Пред неговиот настап со бендот, актерот е уловен насмеан, иако навидум едвај одел, што загрижи многу обожаватели. Американските медиуми во мај објавија дека актерот го скршил зглобот, а бендот ги објави деталите на своите профили на социјалните мрежи.
– Со тага ја споделуваме веста дека „Холивудски вампири“ ќе мора да одложат три концерти од нашата американска турнеја. Џони се здоби со тешка повреда на глуждот и лекарот му препорача да не патува во таква состојба. Многу му е жал за оваа ситуација, но едвај чека да се одмори за да дадеме сѐ од себе на турнејата во Европа – објавија членовите на бендот на социјалните мрежи.
Исто така, ова е прво појавување на актерот во јавност откако светот ја обиколи веста дека бил пронајден во несвест во неговата хотелска соба во Будимпешта. Бендот на Деп во последен момент го откажа концертот во Будимпешта, а според полицискиот извештај, актерот се онесвестил, па морале да се повикаат лекар. Деп наводно бил во толку лоша состојба што не можел ниту да стигне до сцената.
