По бројните шпекулации за распадот на нејзиниот 13-годишен брак со Том Брејди во НФЛ, бразилскиот топмодел Жизел Бундшен одлучи да проговори за „Венити фер“. Почнаа да кружат гласини дека причината лежи во тоа што Том продолжил да игра фудбал иако најавил заминување во „пензија“.
Сепак, топмоделот ги негира тие претпоставки во интервјуто, нарекувајќи ги „многу штетни“ и „најлудо нешто што некогаш го слушнала“.
„Секогаш го поддржував, би продолжила уште долго“, ја започнува својата приказна Жизел, „она што е кажано е дел од многу поголема сложувалка… не е сѐ така црно-бело“, нагласува манекенката.
Жизел објаснува: „Понекогаш растете заедно, понекогаш се оддалечувате. Кога имав 26, а тој 29, се запознавме, основавме семејство и ги сакавме истите работи. Како што поминува времето, сфаќаме дека сега сакаме различни работи, а сега имаме избор. Тоа не значи дека не ја сакате таа личност. Тоа само значи дека за да бидете автентични и вистински да го живеете животот што го сакате, треба да имате некој со кој ќе може да се сретнете на половина пат, нели? Тоа е танц, тоа е баланс“.
Жизел додава дека кога сакаш некого, не го ставаш во затвор и не велиш „мора да го живееш овој живот“.
„Дозволете да бидат тоа што се, а ако сакате да летате во иста насока, тогаш тоа е фантастично. Не одиме еден против друг, ние сме тим и тоа е прекрасно. Гледајќи наназад, не се каам. Го сакам секој сегмент“, вли Бундшен.
Што се однесува до гласините дека е во врска со 55-годишниот милијардер Џефри Софер, Жизел вели дека има „нулта врска со него, на кој било начин“. Тој е пријател на Том, а не мој“, нагласува таа.
„Не би била со неговиот пријател, не би била со овој лик. Мислам, ве молам!“
Зборувајќи за иднината, Жизел вели дека сака да изгради мала куќа со соларен погон на планина, да одгледува сопствена храна, а потоа да отвори велнес центар.
„Јас сум сингл девојка која сака да биде во природа. Сакам само да работам и да си ги воспитувам децата во мир“, заклучува Жизел.
