Дваесет и третиот ден од војната во Украина. Како што јави Си-Ен-Ен, од правец на аеродромот во близина на градот Лавов се слушнале неколку експлозии. Подоцна беше потврдено дека се работи за фабрика за одржување на авиони. Најмалку едно лице загина, а три се повредени кога остатоците од соборениот проектил паднале врз станбена зграда во украинскиот главен град Киев во четвртокот, соопшти украинската служба за итни случаи. Украинските власти соопштија и дека 21 лице загинало во артилериски оган од руските сили во близина на Харков. Засолништето под театарот во Мариупол го издржа, како што рече Украина, рускиот воздушен напад, а како што напиша амбасадорот од тој град, спасени се околу 130 цивили. Портпаролката на руското Министерство за надворешни работи Марија Захарова изјави дека тврдењето дека Русија го бомбардирала театарот е „лага“. Гувернерот Вјачеслав Чауш вели дека градот Чернихив претрпел „страшни загуби“ и дека за еден ден загинале 53 лица за време на нападот на руските сили. Украина сè уште ги држи клучните области од земјата што Русија се обидува да ги окупира, изјави украинскиот претседател Володимир Зеленски. Кремљ ја отфрли одлуката на Меѓународниот суд на правдата, кој и наложи на Русија веднаш да ги прекине своите воени операции во Украина. Русија досега се откажа од барањето на ОН да гласаат за нивната резолуција за Украина.
